ليه دائما الناس بتفتكرك وقت الحزن وتنساك وقت الفرح

ليه دائما الناس بتفتكرك وقت الحزن وتنساك وقت الفرح

السلام عليكم ورحمة الله وبركاته....

بصراحة

ليه لما الانسان بيجيله خير من عند ربنا بتلاقيه يخبي عليك ويتداري منك
ولو شافك في الحارة دي هو يلف من الحارة التانية

علشان متسالوش عن احواله ويضطر يقولك انه عنده المناسبة الفلانية ده طبعا
لو كان انسان صادق ومش بيحب يكذب

اما بقي لو كان بيكذب ومش فارقة معاه تقابله
ولا متقبلوش انت كدا كدا مش هتعرف لانه يا اما انه هيستخبي منك او هيكذب عليك
ودي طبعا المصيبة الاكبر....

نخلينا في صلب الموضوع....

المهم لما تقابلة تقوله احوالك ايه يقولك والله ابني خطوبته الجمعة الجاية الجاية مثلا]
(علي اعتبار انه رجل صادق لاننا لو اتكلمنا عن الكذاب هنحتاج صفحات المنتدي كله)
تقوله طيب ليه يا اخي مقلتلناش دا احنا حتي كنا نفرحلك ونقوم بالواجب

طبعا انت تقوله ده انت ابو الذوق والمفهومية
حيث كدا بقي يبقي انت معزوم عندنا الجمعة الجاية علي الخطوبة..
بقولك في الحالة دي حظك حلو لانك قفشته في الحارة ...
عارف لو مكنتش قفشته كان ابنه ممكن يتجوز ويخلف وانت ولا تعرف حاجة

نيجي بقي لحاجة تانية واحد مثلا مزنوق في قرشين سلف
يقوم يخبط علي جاره الي مشافوش بقاله سنه
ويقوله اصلك وحشتني قلت اطل عليك طبعا الجار مسكين
مش عارف ايه الي هيحصله دلوقتي بعد ما شربوا الشاي بقي واخر تمام

يقوم يقوله بقولك ايه ملاقيش عندك 5000 جنيه سلف :
اصلي مزنوق قوي اليومين دول ومحتاج الفلوس قوي طبعا لو كان جار متريش
هيجيب له الفلوس والراجل يفك زنقته ولو كان علي قد حاله هيحاول يساعده باي طريقه....

طبعا طول ما هو معاه الفلوس ولا هيسال فيك لانه مبسوط وهيرجع يستخبه منك تاني
علشان متطرش تساله عن احواله ويتطر يقولك والله انا اجرت الشقة الفلانية
وهي احسن من الي عندي مع انك انت كنت سبب في
ان يكون عنده الشقة دي لكن طالما هو مبسوط انت مالك؟؟

بعد مرور الحول جاء وقت التسديد..
الراجل استني عليك سنة بحالها فينك بقي ...
فين فلان اصله نقل في الشقة الجديدة يا حوستي
ومقليش اجيب فلوسي منين طبعا سعادتك مستحيل
هتعرف لانه دلوقتي هو مسوط وفي الشقة الجديدة ........

فقط ناكر الجميل من يفعل ذلك
اللهم عافنا منهم

والله مش ناكر الجميل بس
الناس بتحب تستغل بعض بأى شكل
المهم انه لو شاف عليك نعمه يستكترها
وهو يدارى منك كأنك ح تقاسمه فيها

أقولك اييييييييييييييييييييييييييييييه

حسبى الله ونعم الوكيل

اكثرهم من جامعي المال واعتقد ان معظهم يسكن تل ابيب وربنا لا يجعلنا نجاورهم

تقصدى أيه ب تل أبيب أنا عارف قصدك
بس والله مش كلهم وحشين
هى صوابعك زى بعضيها

ليه دائما الناس بتفتكرك وقت الحزن وتنساك وقت الفرح Ouuu0110

عندك حق فى ناس بتستكتر عليك الخير
على الرغم من انك بتحبلهم الخير
انا عن نفسى حصلت معايا

ليه دائما الناس بتفتكرك وقت الحزن وتنساك وقت الفرح 84913d9613

ليه دائما الناس بتفتكرك وقت الحزن وتنساك وقت الفرح 84913d9613

على رأى ستى وستك
" فى حزنهم مدعيه وفرحهم منسيه "
ربنا يكفينا شر ناكر الخير

{ قُل لَّن يُصِيبَنَآ إِلاَّ مَا كَتَبَ ٱللَّهُ لَنَا هُوَ مَوْلاَنَا وَعَلَى ٱللَّهِ فَلْيَتَوَكَّلِ ٱلْمُؤْمِنُونَ }التوبه 51

{ وَٱصْبِرْ عَلَىٰ مَآ أَصَابَكَ إِنَّ ذَلِكَ مِنْ عَزْمِ ٱلأُمُورِ }
[لقمان: 17]

{ وَعَلَى ٱللَّهِ فَلْيَتَوَكَّلِ ٱلْمُؤْمِنُونَ }؛

فالجوارح تعمل والقلوب تتوكل

» الحزن
» ليه الحزن في حياتنا كتر
» اختبر نفسك هل أنت مجنون مع الناس أم عاقل وحيد ؟؟؟!!